POEM कविता PUBLIC_DOMAIN ✓ मूल मैथिली

जय जय भैरवि असुर भयावनि

(1410)

⏱ 2 मिनट पाठ 👁 215 बार पढ़ल गेल 📜 लिपि: Devanagari

जय जय भैरवि असुर भयावनि, पशुपति भामिनि माया। सहज सुमति वर दियहु गोसाउनि, अनुगत गति तुअ पाया॥ वासर रैन शवासन शोभित, चरण चंद्रमणि चूड़ा। कतयुक दैत्य मारि मुँह मेलल, कतयुक कयलक कूड़ा॥ सामर वरण नयन अनुरंजित, जलद जोग फुलकोका। कट कट विकट दशन तव दमकय, बिजुली चमकय लोका॥ घन घन घनन घुँघरू कत बाजय, हन हन कर तुअ काता। विद्यापति कवि तुअ पद सेवक, पुत्रक दुख हरु माता॥

म

महाकवि विद्यापति

मैथिल कोकिल महाकवि विद्यापति मैथिली साहित्यक सर्वमान्य जनक, रससिद्ध कवि ओ दार्शनिक छलाह। हुनक पदावली विश्वप्रसिद्ध अछि।

व्यक्तित्व ओ रचनावली ➔

⚖ अनुज्ञप्ति, स्रोत एवं प्रामाणिकता (License, Provenance & Quality)

अनुज्ञप्ति: PUBLIC_DOMAIN • गुणवत्ता स्तर: समुदाय/परम्परा (Community/Heritage)

🎙️ वाचन / ऑडियो स्थिति: वाचन पाठ प्रत्याशी (Audio Recording Requested)

मैथिली लोक खुला ज्ञान आ साहित्यक डिजिटलीकरणक लेल समर्पित अछि। एहि रचनाक कोनो त्रुटि वा सर्वाधिकार संबंधी संज्ञान लेल कृपया संपर्क करू।